4369: ۔۔ حضرت علی (رض) فرماتے ہیں : اللہ تعالیٰ کا فرمان :
الذین آمنوا و لم یلبسوا ایمانہم بظلم۔ الانعام : 83 ۔
جو لوگ ایمان لائے اور انھوں نے اپنے ایمان کو ظلم کے ساتھ نہیں ملایا۔
حضرت ابراہیم علیہ اور ان کے خاص ساتھیوں کے بارے میں نازل ہوا ہے۔ اس امت کے بارے میں نازل نہیں ہوا۔ (الفریابی، عبد بن حمید، ابن ابی حاتم، ابو الشیخ، ابن مردویہ)
فائدہ : ۔۔ یہ مطلب نہیں کہ اسی صفت کے حامل امت میں نہیں بلکہ مطلب یہ ہے کہ اس آیت سے حضرت ابراہیم (علیہ السلام) اور ان کے اصحاب کی تعریف مقصود ہے۔