5376: ۔۔ مدینہ کے ایک شخص ابو محمد سے مروی ہے کہ میں نے حضرت عمر بن خطاب (رض) سے ۔ واذ اخذ ربک من بنی آدم من ظھورہم، کے بارے میں سوال کیا تو حضرت عمر (رض) نے فرمایا : میں نے بھی تمہاری طرح نبی کریم (صلی اللہ علیہ وآلہ وسلم) سے سوال کیا تھا۔ آپ (صلی اللہ علیہ وآلہ وسلم) نے ارشاد فرمایا :
اللہ تعالیٰ نے آدم (علیہ السلام) کو اپنے ہاتھ سے پیدا کیا اور اپنی روح ان میں پھونکی۔ پھر ان کی پشت پر اپنا دایاں ہاتھ پھیرا اور آدم (علیہ السلام) کی (ساری جنتی) اولاد نکالی۔ پھر فرمایا : میں نے ان کو جنت کے لیے پیدا کیا ہے۔ پھر اللہ تعالیٰ نے آدم (علیہ السلام) کی پشت پر دوسرا ہاتھ پھیرا اور اللہ کے دونوں ہاتھ دائیں (اور بابرکت) ہیں۔ پھر تمام جہنمی اولاد نکلی اور ان کو فرمایا : میں نے ان کو لوگوں کے لیے پیدا کیا ہے یہ لوگ جو میں چاہوں گا عمل کریں گے پھر میں ان کا خاتمہ ان کے سب سے برے عمل پر کروں گا اور (اس کی وجہ سے) ان کو جہنم میں داخل کردوں گا۔ (ابن جریر، ابن مندہ فی الرد علی الجہمیۃ)
حضرت علی (رض) سے روایت کرنے والا پہلا راوی یا تو مسلمۃ بن یسار ہے یا نعیم بن ربیعہ۔