4378: ۔۔ فلما تجلی ربہ للجبل جعلہ دکا و خر موسیٰ صعقا۔ الاعراف : 143 ۔
جب ان کا پروردگار پہاڑ پر نمودار ہو اتو (انوار ربانی کی تجلیات نے) اس کو ریزہ ریزہ کردیا اور موسیٰ (علیہ السلام) بےہوش ہو کر گرپڑے۔
حضرت علی (رض) فرماتے ہیں : موسیٰ (علیہ السلام) کو اللہ پاک نے یہ آواز سنائی : انی انا اللہ، میں ہی تمہارا معبود ہوں۔ یہ عرفہ کی رات تھی۔ جس پہاڑ پر موسیٰ (علیہ السلام) کھڑے تھے وہ موقف میدان عرفات میں تھا جو سات ٹکڑوں میں تقسیم ہوگیا۔ ایک ٹکڑا ان کے سامنے گرا، جس کے پاس امام عرفہ کے روز کھڑا ہونا ہے۔ تین ٹکڑے مدینہ میں گرے طیبہ احد، اور رضوی، ایک شام میں طور سینا گرا۔ اس کو طور اس لیے کہا گیا کیونکہ یہ ہوا میں اڑ کر شام پہنچا تھا۔ رواہ ابن مردویہ۔