٤٣٩۔۔ تمام مومنین کی جان ہم رتبہ ہی ہے اور ایک سی ہے ، ان میں سے کسی ادنی مسلمان کی بھی اٹھائی ہوئی ذمہ داری تمام مسلمانوں پر عاید ہوتی ہے اور آگاہ رہو کسی مومن کو کسی کافر کے عوض قتل نہ کیا جائے گا اور نہ کسی صاحب عہد ذمی شخص کو عہد کے ہوتے ہوئے قتل کیا جائے گا اور دومختلف ملتوں والے باہم ایک دوسرے کے وارث نہیں قرار دیے جاسکتے۔ اور کسی عورت سے اس کی پھوپھی کے عقد میں ہوتے ہوئے نکاح کیا جاسکتا نہ اس کی خالہ کے عقد میں ہوتے ہوئے نکاح کیا جاسکتا ہے اور عصر کے بعد غروب شمس تک کوئی نماز نہیں ، اور کوئی عورت کسی ذی محرم کے بغیر تین رات سے زیادہ عرصہ کا سفر نہیں کرسکتی۔ السنن للبیہقی ، (رح) ، بروایت عائشہ۔