43922 تین چیزوں کے فیصلے سے اللہ تعالیٰ فارغ ہوچکا ہے۔ تم میں سے کوئی شخص ہرگز سرکشی نہ کرے چنانچہ فرمان باری تعالیٰ ہے : یا ایھا الناس انما بغیکم علی انفسکم۔ یعنی اے لوگو ! تمہاری سرکشی کا وبال تمہارے ہی اوپر پڑے گا۔ تم میں سے کوئی شخص بھی مکروفریب سے کام نہ لے چونکہ فرمان باری تعالیٰ ہے ” ولا یحیق المکر السییء الاباھلہ “ یعنی مکرو فریب کا وبال مکر کرنیوالوں پر ہی پڑتا ہے۔ اور تم میں سے کوئی شخص عہد ہرگز نہ توڑے چونکہ اللہ تعالیٰ کا فرمان ہے کہ ” فمن نکث فانما ینکث علی نفسہ “ یعنی جس نے عہد توڑا بلاشبہ اس کا وبال اسی پر پڑے گا۔ رواہ الدیلمی عن انس