43979 چار آدمی جہنمیوں کی اذیت میں مزید اضاف کریں گے اور وہ حمیم وجحیم کے درمیان منڈلاتے رہیں گے، انھیں ہلاکت کی طرف بلایا جائے گا، جہنمی ایک دوسرے سے کہیں گے ان لوگوں کو کیا ہوا انھوں نے ہمیں اذیت میں مبتلا کردیا ہے حالانکہ ہم پہلے سے اذیت میں پڑے ہوئے تھے ، چنانچہ ایک آدمی ہوگا اس پر انگاروں کا تابوت لٹک رہا ہوگا، ایک آدمی ہوگا وہ اپنی انتڑیاں گھسیٹ رہا ہوگا ، ایک آدمی کے منہ سے خون اور پیپ بہہ رہی ہوگی ایک آدمی خود اپنا گوشت کھارہا ہوگا، چنانچہ تابوت والے سے کہا جائے گا تیری اس حالت کی کیا وجہ ہے تو نے تو ہماری اذیت میں مزید اضافہ کردیا ہے ؟ وہ کہے گا میں مرگیا اور مجھ پر لوگوں کا قرض تھا اور اس کی قضاء کی کوئی صورت نہیں بن پڑی تھی، پھر انتڑیاں گھسیٹنے والے سے پوچھا جائے گا : اس منحوس کی کیا حالت ہے جس نے ہماری اذیت میں اضافہ کردیا ہے ؟ وہ جواب دے گا : اس منحوس کو پیشاب کرنے میں کوئی پروا نہیں ہوتی تھی کہ اس کے جسم کے کسی حصہ پر پیشاب لگ رہا ہے پھر بعد میں غسل بھی نہیں کرتا تھا۔ پھر اس شخص سے کہا جائے گا جس کے منہ سے خون اور پیپ بہہ رہی ہوگی، اس منحوس کی کیا حالت ہے اس نے ہماری اذیت میں اضافہ کردیا ہے ؟ وہ کہے گا : یہ منحوس بےہودہ گوئی اور غلط کلامی میں مصروت رہتا تھا اور اس سے لذت بھی محسوس کرتا تھا، پھر اپنا گوشت کھانے والے سے پوچھا جائے گا : اس منحوس کی یہ حالت کیوں ہے اس نے جو ہماری اذیت میں جو چند اضافہ کردیا ہے ؟ وہ جواب دے گا : یہ منحوس غیبت کرکے لوگوں کا گوشت کھاتا تھا اور چغلی کھاتا تھا۔
رواہ سعید بن المنصور وابن ابی الدنیا فی ذھ العیبۃ وابن المبارک و ابونعیم فی الحلیۃ والطبرانی عن شفی بن مانع الا صبحی وقال الطبرانی ، قد اختلف فی صحبتہ