44221 ایک مرتبہ حضرت علی (رض) کے پاس ان کے ایک ساتھی کے مرجانے کی خبر آئی بعد میں پتہ چلا کہ وہ مرا نہیں آپ (رض) نے اس کی طرف خط لکھاجس کا مضمون یہ ہے۔ بسم اللہ الرحمن الرحیم۔ امابعد ہمارے پاس ایک خبر آئی جس نے تمہارے ساتھیوں کو ہلا کر رکھ دیا تھا پھر پہلی خبر کی تکذیب بھی آگئی اس کی خوشی ہمارے اوپر کسی انعام سے کم نہیں تھی، یہ الگ بات ہے کہ سرور منقطع ہوجاتا ہے چونکہ پہلی خبر کی تصدیق کے لیے کم وقت رہ گیا ہے کیا تم اس شخص جیسے ہوسکتے ہو جس نے موت دیکھ لی ہو اس نے مابعد کا معاینہ کرلیا ہو وہ رجعت کی طلب اور دن پے درپے آتے رہیں گے عمریں ختم کرتے رہیں گے اموال لٹاتے رہیں گے اور اجلیں پوری کرتے رہیں گے افسوس ! افسوس ! عاد ، ثمود اور بہت ساری امتیں گزر چکی ہیں وہ اپنے رب کے پاس جاپہنچے ہیں، وہ اپنے اعمال کی جزا بھگتے جاچکے ہیں جبکہ دن اور رات ویسے کے ویسے ہی ہیں حوادث دن رات کو بوسیدہ نہیں کرتے، بقیہ کام سرانجام دینے کے لیے پھر بھی تازہ دم ہیں، جان لو ! بلاشبہ تم بھی اپنے بھائیوں کی مانند ہو ۔ تمہاری مثال اس جسد جیسی ہے جس کی قوت ختم ہوچکی ہو صرف اس کا سانس لینا ہی باقی رہ گیا ہو وہ دائمی کا منتظر ہو وعظ و نصیحت کے قبول کرنے میں اللہ تعالیٰ کی پناہ مانگو۔
رواہ العسکری فی المواعظ