44312 حضرت ابوہریرہ (رض) کی روایت ہے کہ رسول کریم (صلی اللہ علیہ وآلہ وسلم) نے فرمایا : ان کلمات کو کون حاصل کرے گا پس جو ان پر عمل کرے یا کسی عمل کرنے والے کو سکھادے ؟ میں نے عرض کیا : اس کام کے لیے میں تیار ہوں آپ (صلی اللہ علیہ وآلہ وسلم) نے پانچ کا ہندسہ بنا کر فرمایا : اللہ تعالیٰ کی حرام کردہ چیزوں سے بچو لوگوں میں سب سے زیادہ عبادت گزار بن جاؤ گے اللہ تعالیٰ کی تقسیم پر راضی رہو لوگوں میں سب سے زیادہ غنی ہوجاؤ گے اپنے پڑوسیوں سے حسن سلو کرو بےخوف ہوجاؤ گے لوگوں کے لیے وہی چیز پسند کرو جو اپنے لیے پسند کرتے ہو مسلمان ہوجاؤ گے کثرت سے مت ہنسو چونکہ کثرت ہنسی دلوں کو مردہ کردیتی ہے۔ رواہ الدارقطنی فی الافراد