44323 عبدالرحمن بن عائش حضرمی کی روایت ہے کہ ایک مرتبہ رسول کریم (صلی اللہ علیہ وآلہ وسلم) نے ہمیں صبح کی نماز پڑھائی کسی کہنے والے نے کہا : آج صبح میں آپ کتنا بارونق چہرہ دیکھ رہا ہوں فرمایا : مجھے کیا ہے میں نے توراۃ کو اپنے رب تعالیٰ کو زیادہ اچھی صورت میں دیکھا ہے۔ مجھ سے فرمایا اے محمد ! ملا اعلی (آسمانوں کی مخلوق) کس معاملہ میں جھگڑ رہے ہیں ؟ میں نے عرض کیا : میں نہیں جانتا ہوں رب تعالیٰ نے اپنا ہاتھ میرے کاندھوں کے درمیان رکھا میں نے اس کی ٹھنڈک اپنے سینے میں پائی مجھے زمین و آسمان کا عمل مل گیا پھر یہ آیت تلاوت کی : وکذالک تری ابراھیم ملکوت السموات والارض ولیکون من الموقنین، اسی طرح تو ابراہیم (علیہ السلام) کو آسمانوں اور زمین کی بادشاہت دکھاتا ہے تاکہ وہ یقین کرنے والوں میں سے ہوجائے۔ پھر حکم ہوا : اے محمد ! ملا اعلی کسی معاملہ میں جھگڑ رہے ہیں۔ میں نے عرض کیا : کفارات میں، حکم ہوا : وہ کیا ہیں ؟ میں نے عرض کیا : پیادہ پاجماعت کے لیے حاضر ہونا نمازوں کے بعدمساجد میں بیٹھے رہنا ناگواری کے وقت پوری طرح وضو کرنا جو شخص بھی ایسا کرے گا وہ بھلائی کے ساتھ زندہ رہے گا اور بھلائی کے ساتھ مرے گا اور اپنی خطاؤں سے ایسا پاک ہوگا جیسا کہ اس کی ماں نے اسے جنم دیا تھا درجات یہ ہیں : کھانا کھلانا سلام پھیلانا رات کو لوگوں کو سوئے ہوئے چھوڑ کر نماز پڑھنا، اے محمد ! سفارش کرو تمہاری سفارش قبول کی جائے گی مانگو تمہیں عطا کیا جائے گا میں نے عرض کیا : میں تجھ سے پاکیزہ چیزوں کا سوال کرتا ہوں اور بری باتوں کو چھوڑنے کا سوال کرتا ہوں اور مسکینوں کی محبت کا سوال کرتا ہوں یہ کہ تو میری مغفرت کرے اور میری توبہ قبول فرمائے اگر کسی قوم کو مبتلائے فتنہ کرنے کا تیرا ارادہ ہو تو مجھے وفات دے دینا دراں حالیکہ میں فتنہ میں نہ پڑوں، پھر رسول کریم (صلی اللہ علیہ وآلہ وسلم) نے فرمایا : یہ چیز ں سیکھ لو قسم اس ذات کی جس کے قبضہ قدرت میں میری جان ہے یہ چیزیں حق ہیں۔ رواہ ابن مندہ والبغوی والبیہقی وابن عساکر