44327” مسند علی (رض) “ ربیع بن انس ایک آدمی سے حضرت علی (رض) کی روایت نقل کرتے ہیں کہ انھوں نے عرض کیا : یارسول اللہ ! مالدار لوگ سب کا سب اجر وثواب لوٹ لے گئے آپ (صلی اللہ علیہ وآلہ وسلم) نے ارشاد فرمایا : کیا میں تمہیں ایسا صدقہ نہ بتاؤں جو روئے زمین پر ہر صدقہ کرنے والے کے صدقہ سے افضل ہو، اس جیسا ثواب وہی پاسکتا ہے جو اس جیسا عمل کرے گا، وہ یہ کہ تم صبح کی نماز کے بعد دس مرتبہ یہ کلمات کہو لا الہ الا اللہ وحد ، لا شریک لہ ، لہ الملک ولہ الحمد، وھو علی کل شیء قدیر، عصر کی نماز کے بعد بھی یہی کلمات کہو اور ہر نماز کے بعد پچیس (25) مرتبہ یہ کلمات کہو، سبحان اللہ ولحمد للہ ولا الہ الا اللہ واللہ اکبر ملء السموات والارض وما فیھن، یوں اس طرح یہ ہر روز پانچ سو تسبیحات ہوجائیں، میزان میں یہ پانچ ہزار کے برابر ہوں گی یہ باقیات صالحات ہیں، اور یہ ایسے کلمات ہیں کہ ان کے برابر کوئی کلمہ نہیں ہے چنانچہ الحمد للہ میزان کو بھر دیتا ہے، سبحان اللہ نصف میزان بھر دیتا ہے لا الہ الا اللہ واللہ اکبر آسمانوں اور ان کے بیچ کے مقام کو بھر دیتا ہے۔ رواہ ابن مردویہ