4437: حضرت عائشہ (رض) فرماتی ہیں :
اگر اللہ پاک قوم نوح (علیہ السلام) میں سے کسی پر رحم فرماتے تو اس بچے کی ماں پر ضرور رحم فرماتے (جس کا قصہ یہ ہے) کہ حضرت نوح (علیہ السلام) اپنی قوم میں ساڑھے نو سو سال تک لوگوں کو اللہ کی طرف بلاتے رہے۔ حتی کہ جب آپ (صلی اللہ علیہ وآلہ وسلم) (ان سے مایوس ہوگئے تو آپ علیہ السلام) نے ایک درخت اگایا، جو بڑا ہوگیا اور ہر طرف سے پھیل کر خوب بڑا ہوگیا اور آپ نے اس کو کاٹ کر کشتی بنانا شروع کی۔ لوگ آپ کے پاس سے گذرتے اور اس کے متعلق پوچھ گچھ کرتے۔ آپ (صلی اللہ علیہ وآلہ وسلم) فرماتے : میں کشتی بنا رہا ہوں۔ لوگ اس جواب پر خوب ہنسی مذاق اڑتے اور کہتے تم خشکی میں کشتی بنا رہے ہو، یہ چلے گی کہاں ؟ آپ (صلی اللہ علیہ وآلہ وسلم) صرف یہ جواب دیتے عن قریب تم کو (سب) معلوم ہوجائے گا۔
چنانچہ جب آپ (صلی اللہ علیہ وآلہ وسلم) کشتی بنا کر فارغ ہوگئے، تنور ابل پڑا اور گلی محلوں میں پانی خوب جاری ہوگیا تو اس بچے کی ماں کو اپنے بچے کا بہت خوف ہوا کیونکہ وہ اس سے بہت ہی زیادہ محبت کرتی تھی۔ چنانچہ وہ بچہ کو (چھاتی سے) لگا کر پہاڑ پر چلی گئی۔ پانی جب (پہاڑ سے بھی اونچا ہو کر ) اس کے ٹخنوں تک پہنچ گیا تو اس نے بچے کو ہاتھوں میں اٹھا کر بلند کرلیا۔ آخرکار پانی اس ماں کو بھی (بچے سمیت) بہا کرلے گیا پس اگر اللہ پاک اس دن کسی (کافر) پر رحم فرماتا تو اس بچے کی ماں پر ضرور رحم کھاتا۔ (مستدرک الحاکم، ابن عساکر)