44357” مسند صدیق (رض) “ حضرت سلمان (رض) کی روایت ہے کہ میں حضرت ابوبکر (رض) کے پاس آیا اور عرض کیا : مجھے آپ وصیت کریں آپ (رض) نے فرمایا : اے سلمان ! اللہ تعالیٰ سے ڈرتے رہو جان لو ! عنقریب فتوحات کا دروازہ کھلے گا میں نہیں جانتا کہ اس میں تمہارا کتنا حصہ ہوگا تم اپنے پیٹ میں کتنا ڈالوں گے اور اپنے اوپر بوجھ کتنا بناؤ گے۔ جان لو ! جس شخص نے پانچ نمازیں پڑھیں وہ صبح وشام اللہ تعالیٰ کی ذمہ داری میں ہوجاتا ہے۔ اللہ والوں میں سے تم ہرگز کسی کو قتل نہ کرنا، تم صبح کرو یا شام کرو اہل اللہ میں سے کسی کو قتل نہ کرنا ورنہ اللہ تعالیٰ کے ذمہ کو توڑڈالوگے۔ پھر تمہیں اللہ تعالیٰ اوندھے منہ جہنم میں دھکیل دے گا۔ رواہ احمد بن حنبل فی الزھد وابن سعد وحشیش ابن اصرم فی الاستقامۃ