44367 حضرت معاذ بن جبل (رض) کی روایت ہے کہ نبی کریم (صلی اللہ علیہ وآلہ وسلم) نے حضرت علی (رض) سے فرمایا : کیا میں تمہیں بدترین انسان کے متعلق نہ بتاؤں ؟ عرض کیا : یارسول اللہ (صلی اللہ علیہ وآلہ وسلم) جی ہاں۔ ارشاد فرمایا : جو شخص تنہا کھانا کھائے اپنے عطیہ سے منع کرے تنہا سفر کرے اپنے غلام کو مارے پھر فرمایا : اے علی اس سے بھی زیادہ برے شخص سے میں تمہیں آگاہ نہ کروں عرض کیا : جی ہاں یارسول اللہ ! ارشاد فرمایا : جو شخص لوگوں سے بغض رکھتا ہو اور لوگ اس سے بغض رکھتے ہوں پھر فرمایا اے علی ! کیا اس سے بھی زیادہ برے شخص کے بارے میں نہ بتاؤں ؟ عرض کیا : جی ہاں یارسول اللہ ! فرمایا وہ شخص جس کے شر سے بچا جائے اور اس سے بھلائی کی کوئی امید نہ ہو فرمایا : اے علی اس سے بھی زیادہ برے شخص سے تمہیں آگاہ نہ کروں فرمایا : جو شخص اپنی آخرت کو دوسرے کی دنیا کے بدلے میں بیچ ڈالے پھر فرمایا : اے علی اس سے بھی زیادہ برے شخص کے بارے میں نہ بتاؤں عرض کیا : یارسول اللہ ! جی ہاں : فرمایا : جو شخص دین کے بدلہ میں دنیا کھائے۔ رواہ ابن عساکر وقال اسناد ھذا الحدیث منقطع مضطرب