4442: ۔ (مسند علی (رض)) ولقد ھمت بہ۔ یوسف : 24 ۔
اور اس (زلیخاء) نے اس (یوسف (علیہ السلام)) کے ساتھ برائی کا ارادہ کیا۔ برائی کی لالچ کی۔ اور کھڑی ہو کر اپنے کو جو یاقوت اور موتیوں کے ساتھ جڑا ہوا تھا اور گھر کے کونے میں رکھا تھا سفید کپڑا ڈھانپنے لگی۔ تاکہ اس کے اور بت کے درمیان آڑ ہوجائے۔
حضرت یوسف (علیہ السلام) نے پوچھا : یہ کیا کر رہی ہو ؟ اس نے کہا : میں اپنے معبود سے شرم کرتی ہوں کہ وہ مجھے اس حالت میں دیکھے۔ حضرت یوسف (علیہ السلام) نے فرمایا : تو ایسے معبود سے شرم کر رہی ہے جو کھاتا ہے اور نہ پیتا ہے اور میں اس حقیقی معبود سے شرم نہیں کررہا ہوں جو ہر جان پر اور اس کے عمل پر نگہبان ہے۔ پھر حضرت یوسف (علیہ السلام) نے فرمایا : تم اپنا یہ مقصود مجھ سے کبھی حاصل نہیں کرسکتیں۔ اور یہی برہان ہے۔
فائدہ : ۔۔ فرمان الہی ہے۔
ولقد ھمت بہ ، وھم بہا لولا ان را برھان ربہ۔ یوسف : 24 ۔
اور اس نے ارادہ کیا اور اس (یوسف (علیہ السلام)) نے بھی اس کا ارادہ کیا اگر وہ اپنے رب کی برہان نہ دیکھ لیتا (تو قریب تھا کہ گناہ میں ملوث ہوجاتا)
امام قرطبی (رح) اپنی تفسیر میں فرماتے ہیں احمد بن یحییٰ (رح) نے اس کی تفسیر یہ فرمائی ہے کہ زلیخاء نے مضبوط ارادہ کیا اور عزم کرلیا کہ یہ (گناہ) کرنا ہے۔ جبکہ اس کے اصرار کی وجہ سے یوسف (علیہ السلام) کے دل میں ارادہ پیدا ہوا جبکہ اس میں واقع نہیں ہوئے اور کرنے کا خیال مضبوط نہیں ہونے دیا اسی کی نشانی یہ ہوئی کہ جب زلیخاء نے اپنے بت پر کپڑا ڈالا تو ان کو تنبیہ ہوئی اور ارادے سے عزم صمیم کے ساتھ ہٹ گئے اور فرمایا تم یہ مقصود مجھ سے ہرگز حاصل نہیں کرسکتیں (تفسیر القرطبی 9/ 166 ۔ 167) مع الاضافۃ۔