4491: ۔ ابو الطفیل (رح) سے مروی ہے کہ ابن الکواء (رح) نے حضرت علی کرم اللہ وجہہ سے ذوالقرنین کے بارے میں سوال کیا کہ وہ نبی تھے یا بادشاہ تھے ؟ حضرت علی (رض) نے فرمایا : وہ نبی تھے اور نہ بادشاہ ۔ بلکہ وہ اللہ کے نیک بندے تھے۔ انھوں نے اللہ سے محبت رکھی اللہ نے ان کو محبوب بنا لیا۔ انھوں نے اللہ کے لیے خلوص کو اپنا اللہ نے ان کو خلوص اور سچائی مرحمت فرمائی۔ پھر اللہ نے ان کو ایک قوم کی طرف بھیجا۔ انھوں نے آپ کے قرن (یعنی سر) پر مارا جس سے آپ جان بحق ہوگئے۔ اللہ نے آپ کو دوبارہ زندگی بخشی تاکہ آپ اس قوم سے جہاد کریں انھوں نے دوبارہ آپ کے سر کے دوسری طرف مارا اور آپ پھر جان بحق ہوگئے۔ اللہ نے آپ کو پھر ان سے جہاد کے لیے زندہ کردیا۔ اسی وجہ سے آپ کو ذوالقرنین کہا گیا اور تمہارے درمیان ان کی مثال موجود ہے۔ (ابن عبدالحکم فی فتوح مصر، ابن ابی عاصم فی السنۃ، ابن الانباری فی المصاحف، ابن مردویہ، ابن المنذر، ابن ابی عاصم)