4502: ۔۔ عبدالوہاب بن عطاء الخفاف کہتے ہیں کلبی (رح) سے سوال کیا گیا جس پر میں بھی گواہ ہوں کہ اس کا کیا مطلب فمن کان یرجوا لقاء ربہ فلیعمل عملا صالحا ولا یشرک بعبادہ ربہ احدا۔ الکھف آخری آیت۔
پس جو شخص امید رکھتا ہے اپنے رب کی ملاقات کی وہ عمل کرے اچھا عمل اور اپنے رب کی عبادت کے ساتھ کسی کو شریک نہ کرے۔
کلبی (رح) نے فرمایا : ہم سے ابو صال نے بیان کیا کہ عبدالرحمن بن غنم (رض) سے روایت ہے کہ وہ دمشق کی جامع مسجد میں دیگر اصحاب رسول اللہ (صلی اللہ علیہ وآلہ وسلم) کے ساتھ بیٹھے تھے انہی میں حضرت معاذ بن جبل (رض) بھی تھے۔ حضرت عبدالرحمن بن غنم (رض) نے فرمایا :
اے لوگو ! میں تم پر سب سے زیادہ شرک خفی کا خوف کرتا ہوں۔
جزیرۃ العرب کا شرک سے پاک ونا۔
حضرت معاذ (رض) نے فرمایا :
اے اللہ ! ہماری مغفرت فرما۔ پھر فرمایا : کیا تم نے نبی کریم (صلی اللہ علیہ وآلہ وسلم) کا ارشاد نہیں سنا جب آپ ہمیں الوداع کہنے کے قریب تھے کہ آپ (صلی اللہ علیہ وآلہ وسلم) نے فرمایا :
شیطان مایوس ہوچکا ہے کہ اس جزیرے میں اس کی عبادت کی جائے گی۔ لیکن ان اعمال میں اس کی اطاعت کی جائے گی جن کو تم حقیر خیال کرتے ہو۔ اور وہ اسی پر راضی ہوگیا ہے عبدالرحمن (رض) نے فرمایا : اے معاذ ! میں تم کو اللہ کا واسطہ دے کر پوچھتا ہوں کیا تم نے رسول اللہ (صلی اللہ علیہ وآلہ وسلم) سے یہ نہیں سنا : جس نے دکھاوے کے لیے روزہ رکھا اس نے شرک کیا۔ جس نے دکھاوے کے لیے صدقہ کیا اس نے شرک کیا اور جس نے دکھاوے کے لیے نماز پڑھی اس نے شرک کیا۔ حضرت معاذ (رض) نے فرمایا : جب رسول اللہ (صلی اللہ علیہ وآلہ وسلم) نے یہ آیت تلاوت فرمائی :
فمن کان یرجو لقاء ربہ فلیعمل عملا صالحا ولا یشرک بعبادۃ ربہ احدا۔
تو یہ قوم پر سخت گذری اور ان کو شدت محسوس ہوئی۔ رسول اللہ (صلی اللہ علیہ وآلہ وسلم) نے فرمایا :
کیا میں اس کو کشادگی والا نہ کردوں ؟ لوگوں نے عرض کیا : یا رسول اللہ ! ضرور، اللہ پاک آپ کو بھی کشادگی مرحمت فرمائے پھر آپ (صلی اللہ علیہ وآلہ وسلم) نے فرمایا :
یہ آیت سور روم کی آیت کی طرح ہے :
وما اتیتم من ربا لیربوا فی اموال الناس فلا یربوا عنداللہ۔ الروم : 39
اور جو تم سود دیتے ہو کہ لوگوں کے مال میں افزائش ہو تو خدا کے نزدیک افزائش نہیں ہوتی۔ پس جس نے دکھاوے کے لیے عمل کیا وہ اس کے لیے نفع دہ ہے اور نہ نقصان دہ ۔ رواہ مستدرک الحاکم۔