4507: ۔۔ (مسند عمر (رض) عن) حضرت عمر بن خطاب (رض) حضور اکرم (صلی اللہ علیہ وآلہ وسلم) سے فرمان باری تعالیٰ :
الرحمن علی العرش استوی۔ طہ : 5
رحمن عرش پر مستوی ہوا۔
کے متعلق نقل کرتے ہیں کہ عرش کی آواز کجاوے کی طرح نکلتی ہے۔ ابن مردویہ، الخطیب فی التاریخ، السنن لسعید بن منصور)
فائدہ : ۔۔ خدا کی ذات کا بیان جن احادیث اور قرآنی آیات میں آتا ہے وہ آیات اور احادیث متشابہات کہلاتی ہیں، اسی طرح جن آیات کی مراد صرف اللہ کو معلوم ہے وہ بھی اسی زمرے میں آتی ہیں۔ جن کی کھوج میں لگنا گمراہی ہے۔ خدا کی صفات اور تخلیقات میں غور و فکر کا حکم آیا ہے نہ کہ ذات میں۔