4535: ۔۔ امام جعفر صادق (رح) سے کسی نے فرمان الہی :
وآوینا ھما الی ربوۃ ذات قرار و معین۔ اور ہم نے ان (مریم اور ان کے بیٹے عیسیٰ (علیہ السلام)) کو ایک اونچی جگہ پر جو رہنے کے لائق تھی اور جہاں (نتھرا ہوا) پانی جاری تھا پناہ دی تھی۔ کے متعلق پوچھا تو امام جعفر (رح) نے فرمایا : ربوہ سے مراد نجف کا علاقہ ہے، قرار سے مراد مسجد اور معین (چشمے) سے مراد نہر فرات ہے۔
پھر فرمایا : کوفہ میں ایک درہم خرچ کرنا دوسری جگہ سو درہم خرچ کرنے کے برابر ہے۔ اور ایک رکعت سو رکعات کے برابر ہے۔ اور جو چاہتا ہے کہ جنت کے پانی سے وضو کرے اور جنت کا پانی نوش کرے تو وہ فرات کا پانی استعمال کرے۔ اس میں جنت کے دو چشمے پھوٹتے ہیں۔ اور ہر رات جنت سے دو مثقال مشک اس میں گرتا ہے۔ اور حضرت امیر المومنین (علی کرم اللہ وجہہ) نجف کے دروازے پر کھڑے ہو کر فرماتے تھے یہ سلامتی کی وادی ہے۔ مومنین کی روحوں کی اجتماع گاہ ہے اور مومنین کے لیے بہترین ٹھکانا ہے۔ نیز آپ دعا کیا کرتے :
اللہم اجعل قبری بھا۔
اے اللہ میری قبر یہیں بنا۔ رواہ ابن عساکر۔
ملحوظ : ۔۔ اسی جلد کی روایت نمبر 2914 کے ذیل میں مزید تفصیلات ملاحظہ فرمائیں۔