4549: ۔۔ (علی (رض)) حضرت علی (رض) سے مروی ہے آپ (رض) نے ارشاد فرمایا تمہارے نبی (صلی اللہ علیہ وآلہ وسلم) پر کوئی چیز مخفی نہیں رکھی گئی سوائے غیب کی پانچ چیزوں کے۔ وہ پانچ چیزیں سورة ہ لقمان کی آخری آیات میں مذکور ہیں۔
ان اللہ عندہ علم الساعۃ الخ۔ لقمان آخری آیت۔
خدا ہی کو قیامت کا علم ہے اور وہی مینہ برساتا ہے اور وہی (حاملہ کے) پیٹ کی چیزوں کو جانتا ہے (کہ نر ہے یا مادہ) اور کوئی شخص نہیں جانتا کہ وہ کل کیا کرے گا اور کوئی متنفس نہیں جانتا کہ کس سرزمین میں اسے موت آئے گی بیشک خدا ہی جاننے والا (اور) خبردار ہے۔ رواہ ابن مردویہ۔