4554: ۔۔ حضرت علی (رض) سے فرمان الہی :
ولا تکونوا کالذین آذوا موسیٰ۔ الاحزاب : 69 ۔
اور تم ان لوگوں جیسے نہ ہونا جن لوگوں نے (عیب لگا کر) موسیٰ کو رنج پہنچایا۔
کے متعلق وضاحت فرماتے ہیں کہ حضرت موسیٰ اور ہارون (علیہما السلام) دونوں جبل پر چڑھے وہاں حضرت ہارون (علیہ السلام) کو اجل آپہنچی اور وہ مرگئے۔ بنی اسرائیل نے حضرت موسیٰ (علیہ السلام) پر الزم لگایا تم نے ان کو قتل کیا ہے۔ وہ آپ سے زیادہ ہم سے محبت رکھتے تھے۔ اور وہ نرم مزاج انسان تھے۔ یوں بنی اسرائیل نے حضرت موسیٰ (علیہ السلام) کو رنج پہنچایا۔
اللہ پاک نے ملائکہ کو حکم دیا۔ ملائکہ نے حضرت ہارون (علیہ السلام) کے لاشے کو اٹھایا اور بنی اسرائیل کی مجالس اس کے پاس لے گئے اور ملائکہ نے ان کے ساتھ حضرت ہارون کی اپنی آپ موت کی بات چیت کی تب ان کو یقین آیا کہ وہ اپنی موت آپ مرے ہیں۔ موسیٰ (علیہ السلام) کو اس الزام سے بری کردیا۔ جبکہ بنی اسرائیل نے حضرت ہارون (علیہ السلام) کے جسم کو لیا اور اس کو دفن کردیا۔ اور حضرت ہارون (علیہ السلام) کی قبر سب پر مخفی کردی۔ صرف گدھ کرگس پرندے کو معلوم ہے اور اللہ نے اس کو گونگا بہرہ کردیا ہے۔ (ابن منیع، ابن جریر، ابن المنذر، ابن ابی حاتم، ابن مردویہ، مستدرک الحاکم)
فائدہ : ۔۔۔ انبیاء علیہم اپنی قبروں میں زندہ ہیں ان کے جسموں کو مٹی کھا سکتی ہے اور نہ کوئی اور شی ۔ اسی وجہ سے غیر محفوظ جگہوں میں جہاں انبیاء کی قبریں ہیں اللہ پاک نے ان کو مخفی کردیا ہے تاکہ ہر طرح سے محفوظ رہیں۔ اور جہاں معروف ہیں وہاں اللہ نے مضبوط محاورہ مقرر فرما دیے ہیں۔ اس وجہ سے اجسام انبیاء ہر طرح کی بےحرمتی سے بھی محفوظ ہیں۔