45602 عمر بن صبیح ناجی بشر بن عطاء کے سلسلہ سند سے ابن عباس (رض) کی روایت منقول ہے کہ : ایک دن ہم رسول کریم (صلی اللہ علیہ وآلہ وسلم) کے پاس بیٹھے ہوئے تھے اچانک آپ (صلی اللہ علیہ وآلہ وسلم) کے پاس عکاف داخل ہوئے عکاف اپنی قوم کے سردار تھے نبی کریم (صلی اللہ علیہ وآلہ وسلم) کو سلام کیا، آپ نے سلام کا جواب دیا پھر آپ نے فرمایا : اے عکاف ! تمہاری بیوی ہے ؟ عرض کیا : میری بیوی نہیں ہے۔ حکم ہوا کوئی لونڈی بھی نہیں ہے ؟ عرض کیا : نہیں فرمایا : کیا تم مالدار ہو ؟ عرض کیا جی ہاں۔ ارشاد فرمایا : تب تم شیطان کے بھائی ہو۔ اگر تم نصرانیوں کے راہب ہو پھر بلاشبہ تم انہی میں سے ہو اگر تم ہم میں سے ہو تو پھر ہمارا طریقہ شادی کرنا ہے۔ اے عکاف ! تمہاری ہلاکت تمہارے بدترین لوگ وہ ہیں جو غیر شادی شدہ ہوں شیطان کا تیز ترین اسلحہ جو نیکوکاروں میں چل سکتا ہو وہ غیر شادی شدہ ہیں نہ کہ وہ جو شادی شدہ ہوں وہی لوگ تو پاک طنیت اور پاکباز ہیں۔ اے عکاف تمہاری ہلاکت ! کیا تمہیں معلوم نہیں کہ داؤد ویوسف کے پاس بھی عورتیں تھیں، اے عکاف تمہاری ہلاکت شادی کرو۔ ورنہ تم گناہ گار ہو۔ عرض کیا : یارسول اللہ ! میری شادی کرادیجئے۔ چنانچہ تھوڑی دیر گزری تھی کہ آپ (صلی اللہ علیہ وآلہ وسلم) نے کلثوم حمیری کی بیٹی سے عکاف کی شادی کرادی۔ رواہ الدیلمی