4562: ۔۔ ابو عثمان نہدی (رح) سے مروی ہے وہ فرماتے ہیں میں نے حضرت عمر بن خطاب (رض) کو منبر پر فرماتے ہوئے سنا کہ رسول اللہ کو میں نے ارشاد فرماتے ہوئے سنا ہے۔ ہمارا سابق تو سابق ہے، ہمارا اعتدال سند نجات پا جانے والا ہے اور ہمارے ظالم کی مغفرت ہوجائے گی۔ پھر حضرت عمر (رض) نے یہ آیت تلاوت فرمائی :
فمنہم ظالم لنفسہ و منہم مقتصد و منہم سابق بالخیرات باذن اللہ۔ فاطر : 32 پس ان میں سے کچھ اپنی جان پر ظلم کرنے والے ہیں اور کچھ ان میں سے میانہ رو ہیں اور کچھ نیکیوں میں آگے نکل جانے والے ہیں۔ (العقیلی فی الضعفاء، ابن مردویہ، ابن لآل فی مکارم الاخلاق، الدیلمی)