45621 ابن رومان کی روایت ہے کہ حضرت عمر بن خطاب (رض) سے ولیمہ کے کھانے کے متعلق سوال کیا گیا اور کسی نے کہا : اے امیر المومنین ! کیا وجہ ہے شادی پر دیئے جانے والے کھانے کی بو ہمارے کھانے سے زیادہ عمدہ ہوتی ہے ؟ فرمایا : میں نے رسول کریم (صلی اللہ علیہ وآلہ وسلم) کو ارشاد فرماتے سنا ہے کہ ولیمہ کے کھانے میں جنت کی خوشبو میں سے ایک مثقال ڈال دی جاتی ہے۔ حضرت عمر (رض) نے فرمایا : ولیمہ کے لیے ابراہیم خلیل اللہ اور محمد (صلی اللہ علیہ وآلہ وسلم) نے برکت و پاکیزگی اور عمدگی کی دعا کی ہے۔۔ رواہ الحارث والخطیب فی کتاب الطفلیین قال ابن حجر واسنادہ مظلم وقال الخطیب روی من وجہ آخری عن عمر عن النبی (صلی اللہ علیہ وآلہ وسلم) ثم اخرجہ عن الشعبی : فرمایا کہ حضرت عمر (رض) کے پاس لوگوں نے ولیمہ کا ذکر کیا کہ آخر کیا وجہ ہے جو ذائقہ ولیمہ میں پایا جاتا ہے وہ کسی اور کھانے میں ہم نہیں پاتے ؟ حضرت عمر (رض) نے جواب دیا : نبی کریم (صلی اللہ علیہ وآلہ وسلم) نے ولیمہ کے لیے برکت کی دعا کی ہے اور ابراہیم خلیل اللہ نے بھی اس میں برکت و عمدگی کی دعا کی ہے اور یہ کہ اس میں جنت کے کھانوں کی دھونی ہو۔