45677 قبیصہ بن ذؤیب کی روایت ہے کہ ایک مرتبہ حضرت عثمان (رض) سے سوال پوچھا گیا کہ ایک ہی ملک میں دو باندیاں جو آپس میں سگی بہنیں ہوں جمع کی جاسکتی ہیں ؟ آپ (رض) نے فرمایا : میں دیکھتا ہوں کہ قرآن مجید کی ایک آیت اس مسئلہ کو حلال قرار دیتی ہے جبکہ دوسری آیت حرام قرار دیتی ہے لیکن مجھے ایسا کرنا کسی طرح پسند نہیں آپ (رض) کا یہ جواب نبی کریم (صلی اللہ علیہ وآلہ وسلم) کے ایک صحابی کو پہنچا اس نے کہا، اگر مجھے مسلمانوں کے معاملات کسی حد تک سپرد ہوتے پھر میرے پاس یہ مسئلہ لایا جاتا میں اسے عبرت کا نشان بنادیتا۔ زہری کہتے ہیں میری دانست میں وہ حضرت علی (رض) ہی ہوسکتے ہیں۔۔ رواہ مالک والشافعی وعبدالرزاق وعبد بن حمید وابن ابی شیبۃ ومسدد وابن جریر والدارقطنی والبیہقی