4571: ۔۔ ابی بن کعب (رض) سے مروی ہے فرماتے ہیں میں نے رسول اکرم (صلی اللہ علیہ وآلہ وسلم) سے اللہ تعالیٰ کے فرمان :
وارسلناہ الی مائۃ الف او یزیدون۔ الصافات 147
اور ہم نے ان (یونس (علیہ السلام)) کو لاکھ یا زائد کی طرف بھیجا۔
کے بارے میں پوچھا (کہ زائد سے کتنے زائد مراد ہیں ؟ ) آپ (صلی اللہ علیہ وآلہ وسلم) نے فرمایا بیس ہزار۔ (ترمذی غریب، ابن جریر، ابن المنذر، ابن ابی حاتم، ابن مردویہ)
فائدہ : ۔۔۔ یعنی اگر صرف عاقل بالغ افراد گنتے تو لاکھ تھے جن کی طرف مبعوث ہوئے تھے۔ جبکہ بچے ان کے ماتحت ہو کر آجاتے ہیں لیکن اگر سب چھوٹوں بڑوں کو شمار کرتے تو زائد تھے۔ یہی مطلب زیادہ قرین قیاس ہے۔
کلام : ۔۔ امام ترمذی (رح) نے مذکورہ روایت کو ضعیف قرار دیا ہے۔