4574: ۔۔ حضرت علی (رض) فرماتے ہیں :
ایک مرتبہ حضرت سلیمان (علیہ السلام) سمندر کے کنارے بیٹھے اپنی انگوٹھی کے ساتھ کھیل رہے تھے۔ اچانک انگوٹھی آپ سے چھوٹ کر سمندر میں گرگئی۔ آپ کی ساری سلطنت آپ کی انگوٹھی میں تھی۔ چنانچہ آپ وہاں سے چل پڑے۔ جبکہ پیچھے ایک شیطان (آپ کی شکل میں) آپ کے گھر رہنے لگا۔ حضرت سلیمان (علیہ السلام) ایک بڑھیا کے پاس تشریف لائے اور اس کے پاس رہنے لگے۔ (اور ساری داستان سنائی) بڑھیا بولی : اگر تم چاہو تو تم جا کر (روزی) تلاش کرو اور میں گھر کا کام کاج کرتی ہوں۔ اور اگر تم چاہو تو تم گھر کا کام کاج کرو اور میں جا کر روزی تلاش کرتی ہوں۔ چنانچہ حضرت سلیمان (علیہ السلام) روزی کی تلاش میں نکل پڑے۔ آپ (صلی اللہ علیہ وآلہ وسلم) ایک قوم کے پاس آئے جو مچھلی کا شکار کر رہے تھے۔ آپ ان کے پاس بیٹھ گئے۔ انھوں نے کچھ مچھلیاں آپ کو دیں۔ آپ (صلی اللہ علیہ وآلہ وسلم) وہ مچھلیاں لے کر بڑھیا کے گھر لوٹے۔ بڑھیا مچھلیاں کاٹنے لگی تو ایک مچھلی کا پیٹ کاٹا تو اس میں سے حضرت سلیمان (علیہ السلام) کی انگوٹھی نکل آئی ۔ بڑھیا نے پوچھا یہ کیا ہے : حضرت سلیمان (علیہ السلام) نے بتایا کہ یہی تو میری گمشدہ انگوٹھی ہے۔ پھر آپ (صلی اللہ علیہ وآلہ وسلم) نے وہ انگوٹھی لے کر پہنی۔ اور آپ کی بادشاہت لوٹ آئی اور سلیمان (علیہ السلام) (نے بتایا کہ یہی تو میری گمشدہ انگوٹھی ہے) پھر آپ (صلی اللہ علیہ وآلہ وسلم) نے وہ انگوٹھی لے کر پہنی۔ اور آپ کی بادشاہت لوٹ آئی اور تمام انس و جن ، شیاطین، چرند پرند، اور وحشی جانور آپ کے تابعدار ہوگئے۔ اور جو شیطان آپ کی جگہ لیے بیٹھا تھا وہ بھاگ گیا اور جا کر سمندر کے ایک جزیرے میں پناہ گزین ہوگیا۔ سلیمان (علیہ السلام) نے اس کو پکڑنے کے لیے شیاطین کو اس کے تعاقب میں بھیجا۔ انھوں نے (آ کر) کہا : ہم اس پر قادر نہیں ہوسکے۔ (ایک حل ہے) وہ ہر ہفتہ میں ایک دن جزیرے کے چشمے پر آتا ہے۔ اور ہم اس کو صرف نشہ کی حالت میں پکڑ سکتے ہیں۔ لہٰذا اس پانی کے چشمے میں شراب ڈالی جائے۔ (چنانچہ یہ تدبیر کی گئی) جب شیطان آیا اور اس چشمے کا پانی پی لیا (تو وہ نرم پڑا) پھر انھوں نے اس کو حضرت سلیمان (علیہ السلام) کی انگوٹھی دکھائی جس کو دیکھ کر وہ اطاعت پر آمادہ ہوگیا۔ اور حضرت سلیمان (علیہ السلام) نے اس کو بندھوا کر ایک پہاڑ پر بھیج دیا۔ کہتے ہیں وہ جبل الدخان نامی پہاڑ ہے۔ (دخان کے معنی دھویں کے ہیں) اور اس پہاڑ سے جو دھواں اٹھتا ہے وہ اسی شیطان سے نکلتا ہے اور وہ پانی جو پہاڑ سے گرتا ہے وہ شیطان کا پیشاب ہے۔ عبد بن حمید، ابن المنذر۔