45773” مسندعلی “ حسن بن حسن اپنے والد سے روایت نقل کرتے ہیں کہ حضرت عمر بن خطاب (رض) نے ام کلثوم کو پیغام نکاح بھیجا حضرت علی (رض) نے آپ (رض) سے کہا : ام کلثوم ابھی چھوٹی ہے حضرت عمر (رض) نے فرمایا : میں نے رسول کریم (صلی اللہ علیہ وآلہ وسلم) کو ارشاد فرمایا سنا ہے کہ قیامت کے دن ہر رشتہ اور ہر نسب ختم ہوجائے گا بجز میرے رشتہ اور نسب کے لہٰذا میں چاہتا ہوں کہ رسول کریم (صلی اللہ علیہ وآلہ وسلم) کے ساتھ میرا بھی رشتہ اور نسب قائم رہے۔ حضرت علی (رض) نے حضرت حسن (رض) اور حضرت حسین (رض) کو حکم دیا کہ اپنے چچا کی شادی کردو۔ ان دنوں نے جواب دیا کہ یہ بھی عورتوں میں سے ایک عورت ہے اسے بھی اپنے لیے اختیار کا حق حاصل ہے۔ اتنے میں حضرت علی (رض) غصہ کے عالم میں کھڑے ہوئے اور حضرت حسن (رض) انھیں اپنے کپڑوں سے روکنے لگے اور کہا : اے ابا جان مجھے آپ کے چھوڑنے پر صبر نہیں ہوتا۔ چنانچہ دونوں نے حضرت عمر (رض) کی شادی کرادی۔ رواہ البیہقی