4580: ۔۔ سلیم بن عامر سے مروی ہے کہ حضرت عمر بن خطاب (رض) نے فرمایا :
تعجب کی بات ہے کہ کوئی شخص رات بسر کرتا ہے اور ایسی کوئی چیز (خواب میں) دیکھتا ہے جو کبھی اس کے دل میں گذری نہیں۔ لیکن وہ (اٹھتا ہے اور) اپنے خواب کو جیسے ہاتھ سے تھام لیتا ہے۔ اور کوئی شخص خواب دیکھتا ہے تو اس کا خواب کچھ اہمیت نہیں رکھتا۔ حضرت علی (رض) نے فرمایا :
یا امیر المومنین ! کیا میں اس کی حقیقت نہ بتاؤں ! درحقیقت اللہ تعالیٰ کا فرمان ہے :
اللہ یتوفی الانفس حین موتھا والتی لم تمت فی منامھا فیمسک التی قضی علھا الموت و یرسل الاخری الی اجل مسمی۔ الزمر : 42
خدا لوگوں کے مرنے کے وقت ان کی روح قبض کرلیتا ہے اور جو مرے نہیں (ان کی روحیں) سوتے میں (قبض کرلیتا ہے) پھر جن پر موت کا حکم کردیتا ہے ان کو روک رکھتا ہے اور باقی روحوں وک ایک وقت مقرر تک کے لیے چھوڑ دیتا ہے۔
پھر حضرت علی (رض) نے ارشاد فرمایا : (نیند کی شکل میں) تمام جانوں کی روح قبض کرلیتا ہے۔ پھر جو روحیں اللہ کے پاس ہوتے ہوئے خواب دیکھتی ہیں وہ سچے خواب ہوتے ہیں۔ تو شیاطین ہوا میں ان سے ملتے اور ان سے جھوٹ بولتے ہیں اور باطل خبریں سناتے ہیں تو پس وہ جھوٹے خواب ہوتے ہیں۔
حضرت عمر (رض) کو حضرت علی (رض) کے فرمان پر بہت تعجب ہوا (اور ان کی تحسین فرمائی) ۔ (ابن ابی حاتم، ابن مردویہ، السنن للبیہقی)