45798 مسروق کی روایت ہے کہ ایک مرتبہ حضرت عمر (رض) منبر پر تشریف لے گئے اور فرمایا : میں نہیں جانتا کہ کسی نے چار سو درہم سے زیادہ مہر مقرر کیا ہو۔ چنانچہ رسول کریم (صلی اللہ علیہ وآلہ وسلم) اور آپ کے صحابہ (رض) کا آپس میں مہر چار سو درہم ہوتا تھا۔ یا اس سے کم تھا مہور میں زیادتی اگر باعث شرافت یا تقویٰ ہوتی تم ان پر سبقت نہ لے جاسکتے ۔ پھر آپ (رض) منبر سے نیچے اتر آئے ۔ اسی اثناء میں قریش کی ایک عورت آپ کے آڑے آگئی اور کہنے لگی : اے امیر المومنین ! آپ لوگوں کو مہروں میں چار سو درہم سے زیادتی کرنے سے منع کرتے ہیں فرمایا : جی ہاں۔ عورت بولی کیا آپ نے قرآن مجید میں اللہ تعالیٰ کا ارشاد نہیں سنا۔ واتیتم، احداھن قنطار الایۃ۔ فرمایا : جی ہاں یہ آیت سنی ہے لوگوں میں ہر آدمی عمر سے زیادہ فقاھت کا مالک ہے۔ آپ (رض) منبر پر دوبارہ تشریف لائے اور فرمایا : اے لوگو ! میں نے تمہیں عورتوں کے مہر کے متعلق چار سو درہم سے زیادہ مقرر کرنے سے منع کیا تھا تم میں سے جو شخص اپنی دلی خوشی سے جتنا مال دینا چاہے دے سکتا ہے۔ رواہ سعید بن المنصور وابویعلی والمحاملی فی امالیہ