45853 ابوسلمہ حضرت عبدالرحمن بن عوف سے روایت نقل کرتے ہیں کہ عاتکہ بنت زید بن عمرو بن نفیل حضرت عبداللہ بن ابی بکر (رض) کے نکاح میں تھیں، عبداللہ، عاتکہ سے شدید محبت کرتے تھے چنانچہ انھوں نے عاتکہ کے لیے اس شرط پر کہ ان کے بعد وہ کسی سے شادی نہیں کریں گی ایک باغ بھی ان کے لیے مقرر کررکھا تھا چنانچہ عبداللہ (رض) کو غزوہ طائف میں تیر لگا اور رسول کریم (صلی اللہ علیہ وآلہ وسلم) کی وفات کے چالیس دن بعد عبداللہ (رض) بھی وفات پاگئے عاتکہ نے ان کے مرتبہ میں یہ اشعار کہے۔ آلیت لا تنفک عینی سخینۃ، علیک وال ینفک جلدی اغبرا۔ ترجمہ : میں نے قسم کھائی ہے کہ میری آنکھ تجھ پر ہمیشہ غمزدہ رہے گی اور میرا بدن ہمیشہ غبار آلود رہے گا۔ مدی الدھر ماغنت حمامۃ ایکۃ ۔ وما طرد اللیل الصباح المنورا ۔ ترجمہ : مدت ہوچکی کہ گنجان درخت کی کبوتری نے گانا گایا اور نہ ہی تاریک رات نے صبح روشن کی ہے۔ چنانچہ حضرت عمر (رض) نے عاتکہ کو پیغام نکاح بھیجا عاتکہ نے جواب دیا : عبداللہ بن ابی بکر نے اس شرط پر کہ میں ان کے بعد شادی نہیں کروں گی مجھے ایک باغ دیا ہے حضرت عمر (رض) نے کہلاوا بھیجا ک کسی اور (صحابی) سے فتویٰ لے لو۔ چنانچہ عاتکہ نے حضرت علی (رض) نے فتویٰ لیا انھوں نے یہ کہا کہ باغ عبداللہ کے ورثاء کو واپس کردو اور پھر شادی کرلو۔ چنانچہ حضرت عمر (رض) نے عاتکہ سے شادی کرلی۔ عبداللہ بن ابی بکر (رض) کے بھائی صحابی تھے، حضرت علی (رض) نے حضرت عمر (رض) سے کہا آپ مجھے اجازت دیں میں عاتکہ سے بات کرلیتا ہوں آپ (رض) نے فرمایا : آپ بات کرلیں حضرت علی (رض) نے فرمایا : اے عاتکہ۔ آلیت لا تنفک عینی قریرۃ۔ علیک ولا ینفک جلدی اصفرا۔ میں نے قسم کھائی ہے کہ میری آنکھیں تم سے ہمیشہ ٹھنڈی رہیں اور میرا بدن ہمیشہ زرد رنگ میں آلود رہے حضرت عمر (رض) نے حضرت علی (رض) سے فرمایا : اللہ تعالیٰ تمہاری مغفرت کرے، میرے خلاف میرے گھر والوں کو مت بگاڑو۔۔ رواہ وکیع واخرجہ ابن سعدفی الطبقات الکبری فی ترجمۃ عاتکۃ ج 8