45869” مسند لقیط بن صبرہ “ لقیط بن صبرہ (رض) کی روایت ہے کہ میں اور میرے کچھ دوست رسول کریم (صلی اللہ علیہ وآلہ وسلم) کی خدمت میں حاضری دینے کے لیے چلے لیکن آپ (صلی اللہ علیہ وآلہ وسلم) گھر پر ہمیں نہ ملے تاہم حضرت عائشہ (رض) نے ہمیں کھجوریں پیش کیں اور ہمارے لیے عصیدہ (آٹے اور گھی سے سیار کیا ہوا کھانا) تیار کیا اتنے میں نبی کریم (صلی اللہ علیہ وآلہ وسلم) قوت کے ساتھ قدم اٹھاتے ہوئے تشریف لائے اور فرمایا : کیا تم نے کچھ کھایا ہے ؟ ہم نے عرض کیا : جی ہاں۔ اسی دوران چرواہا چراگاہ سے بکریاں واپس لایا اور اس نے ہاتھ میں بکری کا ایک نومولودبچہ اٹھا رکھا تھا۔ آپ (صلی اللہ علیہ وآلہ وسلم) نے فرمایا : کیا یہ نومولود ہے ؟ راعی نے جواب دیا جی ھاں فرمایا کہ ان لوگوں کے لیے ایک بکری ذبح کرو پھر آپ (صلی اللہ علیہ وآلہ وسلم) نے ہماری طرف متوجہ ہو کر فرمایا : تم ہر گزیہ گمان مت کرو کہ ہم نے تمہاری وجہ سے بکری ذبح کی ہے۔ ہماری سو بکریاں ہیں ہم نہیں چاہتے کہ بکریوں کی تعداد سو سے زیادہ ہونے پائے جب بھی چرواہا بکری کانومولود بچالے کر آتا ہے ہم اسے ایک بکری ذبح کرنے کا حکم دیتے ہیں، میں نے عرض کیا : ہمیں وضو کے متعلق آگاہ کریں۔ حکم ہوا : جب وضو کرو تو پوری طرح سے وضو کرو انگلیوں کا خلال کرو اور جب ناک میں پانی ڈالو تو اچھی طرح سے پانی ڈالو الایہ کہ تم روزہ میں ہو میں نے عرض کیا یارسول اللہ ! میری ایک بیوی ہے جو زبان دراز ہے آپ (رض) نے فرمایا : اسے طلاق دے دو ۔ میں نے عرض کیا : یارسول اللہ وہ میری محبت میں ہی ہے اور میری اس سے اولاد بھی ہے فرمایا : اسے اپنے پاس روک لو اور اسے چھائی کا حکم دیتے رہو اگر اس میں بھلائی نہ بھی ہوئی تو عنقریب بھلائی پر آجائے گی اور لونڈی کی طرح اپنی بیوی کو مت مارو۔ رواہ الشافعی وعبدالرزاق وابوداؤد وابن حبان