45875 ایاس بن عبداللہ بن ابی ذئاب کی روایت ہے کہ رسول کریم (صلی اللہ علیہ وآلہ وسلم) نے فرمایا اللہ تعالیٰ کی بندیوں کو مت مارو چونکہ ایسا کرنے سے عورتیں نافرمان ہوجائیں گی اور ان کے اخلاق بگڑ جائیں گے اور اپنے خاوندوں پر جری ہوجائیں گی۔ چنانچہ صحابہ کرام (رض) نے شکایت کی کہ جب سے آپ نے ہمیں عورتوں کو مارنے سے منع کیا تب سے عورتوں کے اخلاق بگڑ گئے ہیں۔ چنانچہ رسول کریم (صلی اللہ علیہ وآلہ وسلم) نے فرمایا : چلو عورتوں کو مارو۔ اس پر لوگوں نے اپنی بیویوں کو اسی رات مارا بہت ساری عورتیں آئیں اور مارنے کی شکایت کرنے لگیں صبح ہوتے ہی رسول کریم (صلی اللہ علیہ وآلہ وسلم) نے فرمایا : آج رات آل محمد کا ستر عورتوں نے چکر لگایا ہے وہ سب مارنے کی شکایت کررہی تھیں۔ بخدا ! تم انھیں اپنے بہترین ساتھی نہیں پاؤ گے۔۔ رواہ عبدالرزاق والحمیدی والدارمی وابن جریر وابن سعد وابوداؤد والنسائی وابن ماجہ وابن حبان والطبرانی والحاکم والبغوی والباوردی وابن قانع و ابونعیم والبخاری ومسلم و سعید بن المنصور وقال البغوی مالہ غیرہ