45887 حسن ضبہ بن محصن سے روایت نقل کرتے ہیں کہ عروہ کہتے ہیں : ایک مرتبہ حضرت عثمان بن مظعون (رض) کی بیوی خولہ بنت حکم حضرت عائشہ (رض) کے پاس آئیں ان کی حالت پراگندہ تھی، حضرت عائشہ (رض) نے ان سے پوچھا : تمہاری یہ کیسی حالت ہے ؟ وہ بولیں : میرے شوہر قیام اللیل اور صائم النھار ہیں اتنے میں نبی کریم (صلی اللہ علیہ وآلہ وسلم) حضرت عائشہ (رض) کے پاس تشریف لائے حضرت عائشہ (رض) نے آپ (صلی اللہ علیہ وآلہ وسلم) سے اس کا تذکرہ کیا جب حضرت عثمان سے نبی اکرم (صلی اللہ علیہ وآلہ وسلم) کی ملاقات ہوئی تو فرمایا : اے عثمان ! رھبانیت ہمارے اوپر فرض نہیں کی گئی کیا تمہارے لیے میری زندگی میں بہترین نمونہ نہیں ہے۔ اللہ کی قسم میں تم سب سے زیادہ اللہ تعالیٰ سے ڈرنے والا ہوں اور اس کی حدود کی سب سے زیادہ رعایت کرنے والا ہوں۔ رواہ عبدالرزاق