4591: ۔۔ حضرت علی (رض) سے مروی ہے فرمایا : کیا میں کتاب اللہ کی افضل آیت نہ بتاؤں جو مجھے رسول اللہ (صلی اللہ علیہ وآلہ وسلم) نے بتائی ہے وہ ہے :
وما اصابکم من مصیبۃ فبما کسبت ایدیکم و یعفو عن کثیر۔ شوری : 30
اور جو مصیبت تم پر واقع ہوتی ہے سو تمہارے اپنے فعلوں سے ہے اور وہ بہت سے گناہ تو معاف کردیتا ہے۔
حضرت علی (رض) فرماتے ہیں مجھے رسول اللہ (صلی اللہ علیہ وآلہ وسلم) نے فرمایا میں تم کو اس کی تفسیر بتاؤں گا۔
پھر فرمایا : اے علی ! تم کو دنیا میں جو مصیبت کا مرض پیش آتا ہے یا جو سزا ملتی ہے تو اللہ اس بات سے کریم (اور سخی) ہے کہ آخرت میں دوبارہ سزا دے۔ اور جس گناہ کو اللہ پاک دنیا میں معاف کردیں تو وہ زیادہ بردبار ہیں اور ایک روایت میں وہ زیادہ عظمت والے ہیں کہ اس کو معاف کرنے کے بعد دوبارہ اس پر پکڑ فرمائیں۔ مسند عبداللہ بن احمد بن حنبل، ابن منیع، عبد بن حمید، الحکیم، مسند ابی یعلی، ابن المنذر، ابن ابی حاتم، ابن مردویہ، مستدرک الحاکم۔