45958 حضرت واثلہ (رض) کی روایت ہے کہ ایک مرتبہ رسول کریم (صلی اللہ علیہ وآلہ وسلم) حضرت عثمان مظعون (رض) کے پاس تشریف لائے حضرت عثمان (رض) کے پاس ایک چھوٹا سا بچہ تھا جسے وہ چوم رہے تھے آپ (صلی اللہ علیہ وآلہ وسلم) نے فرمایا : کیا یہ تمہارا بیٹا ہے ؟ عرض کیا : جی ھاں فرمایا : کیا تمہیں اس سے محبت ہے ؟ عرض کیا : یارسول اللہ ! بخدا مجھے اس سے محبت ہے فرمایا : کیا میں تمہاری محبت میں اضافہ کردوں۔ عرض کیا : جی ھاں میرے ماں باپ آپ پر قربان جائیں۔ آپ (صلی اللہ علیہ وآلہ وسلم) نے ارشاد فرمایا : جو شخص اپنے چھوٹے بچے کو جو اس کی نسل سے ہو راضی رکھتا ہے حتیٰ کہ وہ اس سے راضی ہوجائے قیامت کے دن اللہ تعالیٰ اسے راضی کردیتے ہیں حتیٰ کہ وہ راضی ہوجاتا ہے۔۔ رواہ ابن عساکر