45967 عبدالرحمن بن ابی لیلیٰ کی روایت کہ حضرت عمر بن خطاب (رض) نے ابوعبدالحمید کی طرف دیکھا ان کا نام محمد تھا جب کہ انھیں ایک شخص یوں کہتا ” فعل اللہ بک “ اور ان کلمات کو ایک طرح کی گالی بنادی تھی۔ عمر (رض) نے فرمایا : اے ابن زید ! قریب ہوجاؤ میں نہیں چاہتا کہ تمہاری وجہ سے محمد کی گستاخی کی جائے۔ بخدا ! جب تک میں زندہ ہوں تجھے محمد کے نام سے نہیں پکارا جائے گا۔ چنانچہ آپ (رض) نے ان کا نام عبدالرحمن تجویز کیا۔ پھر آپ (رض) نے طلحہ (رض) کے بیٹیوں کو پیغام دے کر اپنے پاس بلایا وہ اس وقت سات تھے اور ان میں سے بڑا محمد بن طلحہ تھا۔ آپ (رض) نے ان کا نام تبدیل کرنا چاہا اس پر وہ بولے، اے امیر المومنین ! میں آپ کو اللہ کا واسطہ دیتا ہوں بخدا میرا نام محمد تو محمد (صلی اللہ علیہ وآلہ وسلم) نے ہی رکھا ہے۔ اس پر حضرت عمر (رض) نے فرمایا : تم لوگ چلے جاؤ جو نام محمد (صلی اللہ علیہ وآلہ وسلم) نے رکھا ہو اس میں میرے لیے کوئی گنجائش نہیں۔ رواہ ابن سعد واحمد بن حنبل و ابونعیم فی المعرفۃ