46011 حسن بصری (رح) کی روایت ہے کہ حضرت علی کرم اللہ وجہہ فرماتے ہیں کہ ایک دن رسول اللہ (صلی اللہ علیہ وآلہ وسلم) نے ہم سے سوال کیا : کون سی چیز عورت کے لیے سب سے بہتر ہے ؟ ہمارے پاس اس سوال کا کوئی جواب نہیں تھا۔ جب میں فاطمہ (رض) کے پاس واپس لوٹاتو میں نے کہا : اے بنت محمد ! رسول کریم (صلی اللہ علیہ وآلہ وسلم) نے ہم سے ایک سوال کیا ہے ہم اس کا جواب نہیں جانتے ! فاطمہ (رض) بولیں : آپ (صلی اللہ علیہ وآلہ وسلم) نے کس چیز کے متعلق سوال کیا ہے ؟ میں نے کہا : آپ (صلی اللہ علیہ وآلہ وسلم) نے پوچھا ہے کہ عورت کے لیے کونسی چیز سب سے زیادہ بہتر ہے ؟ فاطمہ (رض) نے کا : کیا تم لوگوں کو اس کا جواب نہیں آیا ؟ میں نے کہا : نہیں فاطمہ (رض) نے کہا : عورت کے لیے سب سے بہتر کوئی چیز نہیں کہ نہ وہ کسی مرد کو دیکھے اور ہی کوئی مردا سے دیکھے۔ چنانچہ عشاء کے وقت ہم رسول کریم (صلی اللہ علیہ وآلہ وسلم) کے پاس بیٹھ گئے میں نے عرض کیا : یارسول اللہ ! آپ نے ہم سے ایک سوال پوچھا تھا اس کے متعلق ہم نے کوئی جواب نہیں دیا تو اس کا جواب یہ ہے کہ عورت کے لیے اس سے بہتر کوئی چیز نہیں کہ وہ کسی مرد کو دیکھئے اور نہ ہی کوئی مراد سے دیکھ۔ آپ (صلی اللہ علیہ وآلہ وسلم) نے فرمایا : یہ جواب کس نے دیا ہے ؟ میں نے عرض کیا کہ فاطمہ (رض) نے آپ (صلی اللہ علیہ وآلہ وسلم) نے فرمایا کہ فاطمہ نے سچ کہا بلاشبہ فاطمہ (رض) میرے جسم کا ٹکڑا ہے۔ رواہ الدارقطنی فی الافراد وقال ھذا حدیث حسن غریب من حدیث حسن البصری عن علی تفرد بہ ابو بلال الاشعری عن قیس بن الربیع