46039” مسندابی “ عبداللہ بن محمد بن عقیل سے اور جابر بن عبداللہ سے اور طفیل بن ابی اپنے والد سے روایت نقل کرتے ہیں کہ ایک مرتبہ ظہر یا عصر کی نماز میں ہم رسول کریم (صلی اللہ علیہ وآلہ وسلم) کے پیچھے صفہ بستہ تھے اچانک ہم نے دیکھا کہ آپ (صلی اللہ علیہ وآلہ وسلم) اپنے سامنے کسی چیز کو پکڑنا چاہتے ہیں آپ نے پھر ہاتھ بڑھایا تاکہ اسے پکڑ لیں پھر آپ کے اور اس چیز کے درمیان پردہ حائل ہوگیا۔ پھر آپ (صلی اللہ علیہ وآلہ وسلم) پیچھے ہٹے ہم بھی پیچھے ہٹ گئے جب آپ (صلی اللہ علیہ وآلہ وسلم) نے سلام پھیرا تو حضرت ابی بن کعب (رض) نے عرض کیا یارسول اللہ ! آج ہم نے آپ کو وہ کچھ کرتے دیکھا ہے جو آپ اس سے قبل نہیں کرتے تھے آپ (صلی اللہ علیہ وآلہ وسلم) نے فرمایا : مجھ پر جنت پیش کی گئی بمعہ اس کی رونقوں اور شادابیوں کے میں جنت کے انگوروں کا ایک خوشہ توڑنا چاہ رہا تھا کہ میں تمہیں دکھاؤ اگر میں وہ لے لیتا تو زمین و آسمان کی مخلوق اسے کھاتی وہ کم نہ ہونے پاتا لیکن میرے اور اس کے درمیان پردہ حائل ہوگیا۔ پھر مجھ پر دوزخ پیش کی گئی جب میں نے دوزخ کے شعلے کی تپش پائی تو پیچھے ہٹ گیا میں نے دوزخ میں زیادہ تعداد عورتوں کی دیکھی ہے جن کے پاس اگر راز رکھا جائے تو اسے افشاء کردیتی ہیں، اگر سوال کرتی ہیں تو لپٹ جاتی ہیں، اگر نہیں عطا کردیا جائے تو شکر نہیں کرتی ہیں میں نے دوزخ میں عمرو بن لحی بھی دیکھا وہ دوزخ میں اپنی اشرفیاں گھسیٹے جارہا تھا عمرو بن لحی کے مشابہ میں نے جسے دیکھا ہے وہ معبد بن اکتم ہے معبد (رض) بولے : یارسول اللہ ! اس مشابہت کے ہونے سے مجھ پر کوئی خدشہ ہے ؟ فرمایا : نہیں چونکہ تو مومن ہے جب کہ وہ کافر وہ پہلا شخص ہے جس نے عربوں کو بتوں کی پرستش کے لیے جمع کیا۔۔ رواہ احمد بن حنبل والحاکم و سعید بن المنصور