4617: ۔۔ (عمر (رض)) حضرت سعید بن المسیب (رح) سے مروی ہے کہ صبیغ تمیمی حضرت عمر بن خطاب (رض) کے پاس آیا اور کہا : یا امیر المومنین ! مجھے الذاریات ذروا۔ کے بارے میں بتائیے وہ کیا ہے ؟ حضرت عمر (رض) نے فرمایا : وہ ہوائیں ہیں اور اگر میں نے رسول اللہ (صلی اللہ علیہ وآلہ وسلم) کو یہ فرماتے ہوئے نہ سنا ہوتا تو میں کبھی نہ کہتا۔ صبیغ نے پوچھا : الحاملات وقرا۔ کیا ہے ؟ فرمایا : یہ بادل ہیں اور اگر میں نے رسول اللہ (صلی اللہ علیہ وآلہ وسلم) کو یہ فرماتے ہوئے نہ سنا ہوتا تو میں کبھی کہتا۔ صبیغ نے پوچھا : الجاریات یسرا کیا ہے ؟ فرمایا : یہ کشتیاں ہیں اور اگر میں نے رسول اللہ (صلی اللہ علیہ وآلہ وسلم) کو یہ فرماتے ہوئے نہ سنا ہوتا تو کبھی نہ کہتا۔ صبیغ نے پوچھا : المقسمات امرا۔ کیا ہے ؟ فرمایا یہ ملائکہ ہیں ؟ اور اگر میں نے یہ رسول اللہ (صلی اللہ علیہ وآلہ وسلم) کو فرماتے ہوئے نہ سنا ہوتا تو کبھی نہ کہتا۔
پھر آپ (رض) نے صبیغ کو سو درے مارنے کا حکم دیا (کہ جس بات کی تم سے کوئی پرسش نہیں ہوگی اور نہ فرائض واجبات سے اس کا کوئی تعلق ہے اس میں اپنی محنت کیوں ضائع کر رہے ہو) چنانچہ اس کو سو درے مارے گئے پھر اس کو ایک کمرے میں بند کردیا گیا۔ وہ صحت یاب ہوگیا تو حضرت عمر (رض) نے بلا کر سو درے اور لگوائے اور اونٹ پر سوار کرا دیا۔ اور حضرت ابو موسیٰ اشعری (رض) (بغداد کے گورنر) کو لکھا : کہ لوگوں کو اس کے پاس اٹھنے بیٹھنے سے منع کردو۔ چنانچہ (اس کو شہر بغداد روانہ کردیا گیا اور ) لوگوں نے اس سے میل جول قطعاً بند کردیا۔ پھر ایک دن وہ ابو موسیٰ اشعری (رض) کے پاس آیا اور مضبوط قسم اتھائی کہ اب وہ ایسی کوئی بات اپنے دل میں نہیں پاتا جو پہلے پاتا تھا۔ حضرت ابو موسیٰ (رض) نے حضرت عمر (رض) کو یہ بات لکھ بھیجی۔ حضرت عمر (رض) نے فرمایا : میرا خیال ہے کہ وہ سچ بولتا ہے لہٰذا لوگوں کے ساتھ میل جول کے لیے اس کا راستہ چھوڑ دو ۔ (البزار، الدار قطنی فی الافراد ، ابن مردویہ، ابن عساکر)
کلام : ۔۔۔ یہ روایت 4180 رقم الحدیث پر گذر چکی ہے اور اس کی سند کمزور ہے۔ کنز العمال ج 2 ص 511 ۔