46181 اپنے صدقہ (کیے ہوئے مال) کو واپس مت لو۔۔ رواہ الترمذی وقال حسن صحیح والنسائی وابن ماجہ عن عمر واحمد بن حنبل عن ابن عمر۔ فائدہ : رقبی کیا ہے ؟ رقبی ” مراقبہ “ سے ہے اس کا معنی انتظار کرنا ہے اور اس کی صورت یہ ہے کہ کوئی شخص کسی سے کہے میں نے یہ گھر تمہیں ھبہ کردیا اگر تم مجھ سے پہلے مرگئے تو گھر مجھے واپس ہوجائے گا اور اگر میں تم سے قبل مرگیا تو یہ گھر تمہاری ملکیت ہوجائے گا۔ رقبی کو رقبی اس لیے کہتے ہیں چونکہ اس میں دونوں اشخاص یعنی واہب اور موہوب ایک دوسرے کے مرنے کے انتظار میں رہتے ہیں۔ عمری کی صورت یہ ہے کہ مثلاً کوئی شخص کسی سے یہ کہے کہ میں نے یہ مکان تمہیں تمہاری زندگی تک کے لیے دیا۔ رقبی اور عمری کے تفصیلی احکام کتب فقہ میں دیکھے جاسکتے ہیں۔