46298 جنادہ بن امیہ ازدی (رض) کی روایت ہے کہ ہم نے نبی کریم (صلی اللہ علیہ وآلہ وسلم) کے عہد میں ہجرت کی چنانچہ ہجرت کے متعلق ہمارا آپس میں اختلاف ہوگیا۔ ہم میں سے بعض کہنے لگے : ہجرت کا سلسلہ منقطع ہوچکا ہے جب کہ بعض کہہ رہے تھے کہ ابھی منقطع نہیں ہوا۔ میں رسول کریم (صلی اللہ علیہ وآلہ وسلم) کی خدمت میں حاضرہوا اور یہی مسئلہ آپ سے دریافت کیا۔ آپ (صلی اللہ علیہ وآلہ وسلم) نے فرمایا : جب تک کفار کے ساتھ قتال جاری رہے گا تب تک ہجرت کا سلسلہ منقطع نہیں ہوگا۔۔ رواہ الحسن بن سفیان و ابونعیم