46304 حضرت خالد بن ولید (رض) کی روایت ہے کہ حضرت واثلہ بن اسقع (رض) کہتے ہیں : میں اسلام لانے کی غرض سے اپنے گھر سے چل پڑا اور رسول کریم (صلی اللہ علیہ وآلہ وسلم) کی خدمت میں حاضر ہوا چنانچہ اس وقت آپ (صلی اللہ علیہ وآلہ وسلم) نے نماز میں تھے میں نے آخری صف میں کھڑے ہو کر نماز پڑھی رسول کریم (صلی اللہ علیہ وآلہ وسلم) جب نماز سے فارغ ہوئے میرے پاس آئے میں آخری صف میں بیٹھا ہوا تھا۔ آپ نے فرمایا : تمہاری کیا حاجت ہے ؟ میں نے عرض کیا : میں اسلام لانے کی غرض سے حاضر ہوا ہوں۔ فرمایا : اسلام تمہارے لیے بہت بہتر ہے۔ فرمایا : کیا تم ہجرت کرکے آئے ہو ؟ میں نے عرض کیا : جی ہاں : فرمایا : دیہاتی کی ہجرت کی ہے یا یقینی ہجرت کی ہے ؟ میں نے عرض کیا : ان دونوں میں سے کونسی ہجرت افضل ہے ؟ فرمایا یقینی ہجرت افضل ہے آپ نے فرمایا : یقینی ہجرت یہ ہے کہ تم رسول کریم (صلی اللہ علیہ وآلہ وسلم) کے ساتھ ثابت قدم رہو اور دیہاتی کی ہجرت یہ ہے کہ تم واپس اپنے گاؤں میں چلے جاؤ۔ آپ نے فرمایا : تمہیں ہر حالت میں اطاعت کرنی چاہے خواہ تنگی ہو یا آسانی من کو گوارا گزرے یا ناگوار گزرے۔ تم واپس چلے جاؤ۔ میں نے کہا جی ہاں۔ آپ نے اپنا ہاتھ آگے بڑھایا میں نے بھی اپنا ہاتھ آگے بڑھایا جب آپ نے دیکھا کہ میں اپنے لیے کسی چیز کو نہیں اپنا رہا ہوں فرمایا : تم کس چیز کی استطاعت رکھتے ہو۔ میں نے عرض کیا : میں کسی چیز میں استطاعت رکھتا ہوں۔ آپ نے میرے ہاتھ پر مارا۔ رواہ ابن جریر