46519 ابو رافع کہتے ہیں : میری مالکہ نبلہ بنت عجماء نے قسم کھائی کہ اگر تم اپنی بیوی کو طلاق نہ دو اور اس کے اور اپنے درمیان تفریق نہ کرو تو اس کے سب غلام آزاد ، اس کا سارا مال صدقہ اور یہودیہ اور نصرانیہ ہو میں زینب بنت ام سلمہ کے پاس آیا اور ان سے یہ مسئلہ پوچھا۔ (چونکہ اس وقت فقہ کے حوالے سے اگر کسی عورت کا تذکرہ ہوتا تو زینب کا نام لیا جاتا) زینب میرے ساتھ میری مالکہ کے پاس آئیں اور کہنے لگیں : کیا گھر میں ہاروت وماروت ہیں ؟ کہا : اے زینب ! اللہ تعالیٰ مجھ آپ پر قربان کرے مالکہ نے قسم کھائی ہے کہ اس کے سارے غلام آزاد وہ یہودیہ اور نصرانیہ ہے زینب نے کہا : یہ یہودیہ اور نصرانیہ ہے اس شخص اور اس کی بیوی کا راستہ چھوڑ دو گویا انھوں نے اس کا عذر قبول نہ کیا : پھر میں اپنی مالکہ کے ساتھ حضرت حفصہ (رض) کی خدمت میں حاضر ہوا اور عرض کیا : اے ام المومنین اللہ تعالیٰ مجھے آپ پر فدا کرے، میری مالکہ نے قسم کھائی ہے کہ اس کا ہر غلام آزاد اس کا سارا مال صدقہ اور وہ یہودیہ ونصرانیہ ہوا حضرت حفصہ (رض) نے جواب دیا : یہ ہویدیہ اور نصرانیہ ہے اس شخص اور اس کی بیوی کا راستہ چھوڑ دو گویا انھوں نے بھی قبول عذر سے انکار کردیا۔ اس کے بعد میں حضرت عبداللہ بن عمر (رض) کی خدمت میں حاضرہوا۔ وہ میرے ساتھ میرے گھر کی طرف تشریف لائے جب آپ (رض) نے فرمایا : کیا تو پتھر کی ہے یا لوہے کی بنی ہوئی ہو یا پھر کسی چیز کی ہو تجھے زینب نے فتویٰ دیا، ام المومنین نے فتویٰ دیا لیکن ان کے فتو وں کو تم نے قبول نہیں کیا عرض کیا : اے ابوعبدالرحمن ! اللہ تعالیٰ مجھے آپ پر قربان کرے : میں نے قسم کھائی ہے کہ میرا ہر غلام آزاد میرا سب مال صدقہ اور میں یہودیہ اور نصرانیہ ہوں آپ نے فرمایا : یہودیہ اور نصرانیہ ، اپنی قسم کا کفارہ ادا کرو جب کہ اس آدمی اور اس کی بیوی کا راستہ آزاد کردو۔۔ رواہ عبدالرزاق