46527 ابن ابی لیلیٰ کی روایت ہے کہ ایک شخص حضرت عمر (رض) کی خدمت میں حاضر ہوا اور کہنے لگا : اے امیر المومنین ! مجھے سواری دیں۔ آپ (رض) نے کہا : اللہ کی قسم میں سواری نہیں دوں گا اس شخص نے کہا : اللہ کی قسم آپ مجھے سواری دیں گے۔ چونکہ میں مسافر ہوں اور میری سواری مرگئی ہے چنانچہ آپ (رض) نے اس شخص کو سواری دے دی اور پھر فرمایا : جو شخص کسی چیز پر قسم کھائے اور پھر اس کے خلاف میں بہتری سمجھے تو اسے بہتر کام کرلینا چاہیے اور اپنی قسم کا کفارہ دے۔ رواہ البیہقی