46533 ۔۔ حضرت مجاہد سے روایت ہے فرماتے ہیں کہ ایک آدمی انصار میں سے کسی کے ہاں مہمان ہوا میزبان جب گھر آیا تو شام ہوچکی تھی میزبان نے گھر والوں سے کہا کہ کیا تم نے مہمان کو کھانا کھلایا اہل خانہ نے جواب دیا کہ ہم تو آپ کا انتظار کررہے تھے میزبان نے کہا کیا تم اس وقت تک میرا انتظار کر رہے تھے میں یہ کھانا نہیں چکھوں گا۔ میزبان کی بیوی نے کہا کہ اگر تو نہیں چکھتا تو میں بھی نہیں چکھوں گی ، مہمان نے کہا بخدا اگر تم دونوں نہیں کھاؤ گے تو میں بھی نہیں کھاؤں گا چنانچہ صبح کو جب آپ کی خدمت اقدس میں حاضر ہوا تو آپ کو سارا قصہ سنایا تو آپ نے اس سے فرمایا تو نے یہ کیا کیا ؟ کہا یارسول اللہ میں نے کھانا کھالیا تو آپ نے فرمایا اللہ کی اطاعت کی اور شیطان کی نافرمانی کی۔ رواہ عبدالرزاق۔