46538 حضرت علی (رض) کی روایت ہے کہ سارہ ایک بادشاہ کی بیٹی تھی اور وہ بڑی حسین و جمیل عورت تھیں ابراہیم (علیہ السلام) نے ان سے شادی کرلی ابراہیم (علیہ السلام) سارہ کو لے کر ایک بادشاہ کی پاس سے گزرے وہ بادشاہ سارہ پر فریفتہ ہوگیا بادشاہ نے حضرت ابراہیم (علیہ السلام) سے کہا : یہ کون عورت ہے ؟ آپ (صلی اللہ علیہ وآلہ وسلم) نے اسے مناسب جواب دیا : جب ابراہیم (علیہ السلام) اور سارہ نے بادشاہ کی طرف سے زیادتی کرنے کا خوف محسوس کیا، دونوں نے اسے بدعا دی جس کے اثر سے بادشاہ کے ہاتھ پاؤں سکڑ کر رہ گئے بادشاہ نے ابراہیم (علیہ السلام) سے کہا : مجھے معلوم ہے کہ یہ تمہارا ہی عمل ہوسکتا ہے اللہ تعالیٰ سے دعا کرو میں ٹھیک ہوجاؤں اللہ کی قسم میں تمہارے ساتھ برائی کا خیال ترک کرتا ہوں۔ ابراہیم (علیہ السلام) نے اس کے لیے دعا کی جس سے اس کے ہاتھ پاؤں ٹھیک ہوگئے پھر بادشاہ نے کہا : اس عظیم خاتون کے شایان نہیں کہ یہ اپنی بھی خدمت کرے تب بادشاہ نے سارہ کو بی بی حاجرہ ھبہ کردی اور وہ سارہ کی خدمت میں کرتی تھیں پھر ایک دن (کسی وجہ سے ) سارہ کو ھاجرہ پر غصہ آگیا اور قسم کھائی کہ اس کی تین چیزوں کو ضرور تبدیل کرے گی حضرت ابراہیم (علیہ السلام) نے فرمایا : اس کی ختنیں کردوں اور اس کے کانوں میں چھید کردو (یوں دوکان اور ایک شرمگاہ ملا کر تین اعضاء ہوگئے) پھر سارہ نے ابراہیم (علیہ السلام) کو اس شرط پر حاجرہ ہبہ کردی کہ ان کے ساتھ بدسلوکی نہیں کریں گے چنانچہ ابراہیم (علیہ السلام) نے ھاجرہ کے ساتھ محبت کی علوق ہوا جس سے اسماعیل (علیہ السلام) پیدا ہوئے۔۔ رواہ ابن عبدالحکم فی فتوح المصر والیس فیہ عن علی غیر ھذا الحدیث وحدیث ذی القرنین