46570 ابن جریج کہتے ہیں میں نے عطاء سے کہا : ایک شخص نے نذر مان رکھی ہے کہ وہ گھنٹوں کے بل طواف کے ساتھ چکر لگائے گا۔ عطاء نے جواب دیا : ابن عبس (رض) فرماتے ہیں کہ لوگوں کو گھنٹوں کے بل طواف کرنے کا حکم نہیں دیا گیا، البتہ اسے چاہیے کہ وہ دو مرتبہ طواف کے ساتھ سات چکر لگائے (یوں کل ملاکر 14 چکر ہوجائیں گے) یوں سات چکر پاؤں کی طرف سے ہوجائیں گے اور سات چکر ہاتھوں کی طرف سے میں نے کہا : کیا آپ اس شخص کو کفارے کا حکم نہیں دیں گے ؟ جواب دیا : نہیں۔ رواہ عبدالرزاق