4680: ۔۔ وہب بن منبہ (رح) ابن عباس (رض) اور ایسے سات صحابہ سے جو غزوہ بدر میں شریک ہوئے روایت کرتے ہیں یہ تمام حضرت حضور (صلی اللہ علیہ وآلہ وسلم) سے روایت کرتے ہیں۔ آپ (صلی اللہ علیہ وآلہ وسلم) نے ارشاد فرمایا :
قیامت کے دن اللہ پاک سب سے پہلے نوح (علیہ السلام) اور ان کی قوم کو بلائیں گے۔ اللہ پاک پہلے قوم سے پوچھیں گے : تم نے نوح کی پکار پر ہاں کیوں نہیں کہی ؟ وہ کہیں گے : ہم کو کسی نے بلایا اور نہ کسی نے آپ کا پیغام ہم تک پہنچایا اور نہ ہم کو نصیحت کی اور نہ ہمیں کسی بات کا حکم دیا اور نہ کسی بات سے منع کیا۔ نوح (علیہ السلام) عرض کریں گے : یا رب ! میں نے ان کو دعوت دی تھی جس کا ذکر اولین و آخرین میں حتی کہ خاتم النبیین احمد (صلی اللہ علیہ وآلہ وسلم) تک پہنچا۔ انھوں نے اس کو لکھا، پڑھا اس پر ایمان لائے اور اس کی تصدیق کی۔
اللہ پاک ملائکہ کو فرمائیں گے : احمد اور اس کی امت کو بلاؤ۔ چنانچہ آپ (صلی اللہ علیہ وآلہ وسلم) اپنی امت کے ہمراہ تشریف لائیں گے اور ان کا نور ان کے آگے آگے چلتا ہوگا۔ نوح (علیہ السلام) محمد اور ان کی امت کو کہیں گے : کیا تم جانتے ہو کہ میں نے اپنی قوم تک پیغام رسالت پہنچا دیا تھا اور ان کو خوب نصیحت کی تھی۔ اور اپنی پوری کوشش کی تھی کہ ان کو جہنم سے بچا لوں۔ لیکن یہ میری پکار کو ماننے کے سرا و جہرا بجائے دور ہی بھاگتے گئے۔
پس رسول اللہ (صلی اللہ علیہ وآلہ وسلم) اور آپ (صلی اللہ علیہ وآلہ وسلم) کی امت کہے گی : ہم اللہ کے حضور شہادت دیتے ہیں کہ آپ نے جو کہا آپ تمام باتوں میں بالکل سچے ہیں۔ تب قوم نوح کہے گی : اے احمد ! آپ کو کیسے یہ علم ہوا جبکہ آپ اور آپ کی امت سب سے آخر میں آنے والے ہیں ؟ پس محمد کہیں گے : پھر آپ (صلی اللہ علیہ وآلہ وسلم) نے بسم اللہ الرحمن الرحیم پڑھ کر پوری سورة نوح پڑھی۔ پھر آپ کی امت کہے گی : ہم شہادت دیتے ہیں کہ یہ سچا قصہ ہے۔ اللہ پاک بھی فرمائیں گے :
وامتازوالیوم ایھا المجرمون۔ یس۔
اے مجرمو ! آج کے دن جدا ہوجاو۔
پس سب سے پہلے یہ لوگ ممتاز ہو کر جہنم میں جائیں گے۔ رواہ مستدرک الحاکم۔