4682: ۔۔ (علی (رض)) حضرت علی (رض) سے مروی ہے کہ جب رسول اکرم (صلی اللہ علیہ وآلہ وسلم) پر یہ فرمان نازل ہوا؛
یا ایہا المزمل قم اللیل الا قلیلا۔ المزمل۔ 1 ۔ 2
اے (محمد ! ) جو کپڑے میں لپٹ رہے ہو، رات کو قیام کیا کرو مگر تھوڑی سی رات۔
تو آپ (صلی اللہ علیہ وآلہ وسلم) ساری ساری رات کھڑے ہو کر نماز پڑھتے رہے حتی کہ آپ کے قدم مبارک ورما جاتے۔ پھر آپ ایک قدم اٹھاتے دوسرا رکھتے دوسرا اٹھاتے پہلا رکھتے۔ حتی کہ پھر جبرائیل (علیہ السلام) نازل ہوئے اور یہ فرمان نازل کیا :
طہ ما انزلنا علیک القرآن لتشقی ۔ طہ 1 ۔ 2
طہ ہم نے آپ پر قرآن اس لیے نازل نہیں کیا کہ آپ مشقت میں پڑجائیں۔
حضرت علی (رض) نے فرمایا : طہ یعنی طا الارض بقدمیہ کہ اپنے قدموں کو زمین پر رکھو۔ اے محمد ! اور (سورة مزمل کے آخر میں) نازل کیا :
فاقرء وا ما تیسرا القرآن۔ المزمل آخری آیت)
پس جتنا آسانی سے ہوسکے (اتنا) قرآن پڑھ لیا کرو۔
حضرت علی (رض) نے فرمایا : یعنی اگر بکری کے دودھ دوہنے کی بقدر بھی بآسانی ہو اسی پر اکتفا کرلیا کرو۔ رواہ ابن مردویہ۔