4709: ۔۔۔ مسند صدیق (رض)) ابو اسماء (رض) سے مروی ہے کہ ایک مرتبہ حضرت ابوبکر صدیق (رض) رسول اللہ (صلی اللہ علیہ وآلہ وسلم) کے ساتھ دوپہر کو کھانا تناول فرما رہے تھے کہ یہ آیت نازل ہوئی :
فمن یعمل مثقال ذرۃ خیرا یرہ و من یعمل مثقال ذرۃ شرا یرہ۔ الزلزال : 7 ۔ 8
سو جس نے ذرہ بھر نیکی کی ہوگی وہ اس کو دیکھ لے گا اور جس نے ذرہ بھر برائی کی ہوگی وہ اسے دیکھ لے گا۔
(یہ سن کر) حضرت ابوبکر (رض) نے کھانے سے ہاتھ روک لیے اور عرض کیا : یا رسول اللہ ! کیا جو برائی بھی ہم نے کی ہوگی ہم اس کو ضرور دیکھیں گے ؟ حضور (صلی اللہ علیہ وآلہ وسلم) نے ارشاد فرمایا : جو تم (اپنی زندگی میں) ناپسندیدہ باتیں دیکھتے ہو و (انہی برے اعمال کی) جزاء ہوتی ہیں۔ جبکہ نیکی کو صاحب نیکی کے لیے آخرت میں ذخیرہ کرلیا جاتا ہے۔ ابن ابی شیبہ، ابن راھویہ، عبد بن حمید، مستدرک الحاکم، ابن مردویہ) ۔
حافظ ابن حجر (رح) نے اپنی کتاب اطراف میں اس کو مسند ابی بکر کے حوالہ سے ذکر کیا ہے۔